Itzina Gorbeiako Parke Naturalaren karst formazioen adibide bikaina da. Airetik, ingurutik altxatzen den goi lautada harritsu giza ikusten da, ertzak tontorra osatzen dute, barnealde konkaboa babesteko nahian. Itzinako mendigune babesgabe eta basatiak kontu handiz gordetzen ditu Gorbeiako altxor natural handienetako batzuk.

​

Babestutako bertako lurraldeko ia 600 hektareetan ehun urtetik gorako pagoak eta 175etik gora goroldio eta hepatiko espezie katalogatu aurkituko dituzu. Kareharrizko gailur magikoak 1000 metrotik gorako altuerako hainbat tontor ditu, Lekanda haitza, Gorosteta, Ipargorta, Altipitatz eta Askorrigane, besteak. 

​

Gorbeiako Parke Naturalaren bihotza denez, txiki sentituko zara Itzinako parajeetan eta, aldi berean, oso handia den zerbaiten parte. Ipar-ekialdeko “Atxular begia” zeharkatuz iritsiko gara errazen biotopoaren barrura. Haitzaren erdia pasabide modura landutako zulo ikusgarria da Itzinako inguru magikorako sarbidea.

​

Itzinak eskaintzen dituen bistak opari dira begientzat. Segur aski, Orozkoko haranetik dituzu bistarik onenak. Talaia natural horretatik, horma naturalen bista ikusgarriak edukiko dituzu goitik. Paradisu malkar horretan segurtasunez gozatzeko, abiatu aurretik turismo bulegoetara eta parketxeetara joatea eta informazioa eskatzea gomendatzen dizugu.

​

Bertako altxor handienetako batzuk, ordea, lurpean daude, euriak eta haize zakarrak higatutako kobazulo, sima eta lur azpiko erreka ugari baitaude ezkutatuta.