Antzinako ofizioek presentzia handia dute oraindik gure herrietako eguneroko bizitzan. Herri-jakintza honen adierazpen nagusiena gure artisauen produktuetan ikus dezakegu. Buztina, landare-zuntzak, egurra… elementu naturalak erabiltzen dira tresna eta objektu tradizionalak eskuz lantzeko. Ez zaitez joan ondorengoak ezagutu gabe:

​

ELTZEGINTZA

Euskal eltzegintza soiltasun handikoa da, baserriko beharretara bereziki lotua, erabilgarria eta funtzionala. Nabarmentzeko modukoak dira katiluak, ontziak, pegarrak (pitxer berezi mota bat)… Gorbeian pieza hauetako hainbat eros ditzakezu, eta gurekin egin duzun egonaldia gogoraraziko dizute.

​

EGURRA

Inguruko zuhaitzen (pagoak, haritzak…) zura erabilita, gure artisauek hainbat erabilera dituzten produktuak egiten dituzte, funtzio nagusia dekorazioarena badute ere. Taila original hauetako batek objektu berezi eta bakarra duzula adieraziko dizu, pertsonalitaterik gabeko objektuetatik urrun.